Բժիշկները զգուշացրել են շոգեբաղնիքներում մի սովորության վտանգավորության մասին
Թերապևտ Ելենա Մալիշևան ու սրտաբան Գերման Գանդելմանը ռուսական Առաջին ալիքի «Ապրիր առողջ» հաղորդաշարի եթերում ասել են, որ շոգեբաղնիքներում ալկոհոլ օգտագործելը վտանգավոր է կյանքի համար։
«Ի՞նչ է շոգեբաղնիքը: Դա հեղուկի կորուստ ու անոթների լայնացում է: Ի՞նչ է ալկոհոլը: Դա միզամուղ է և նույնպես անոթների լայնացման միջոց»,- ասել է Գանդելմանը:
Այդ իսկ պատճառով, ըստ նրա, շոգեբաղնիքում ալկոհոլ օգտագործելը հանգեցնում է արյան ճնշման նվազման ու գիտակցության կորստի, իսկ արդյունքում՝ մահվան։
«Ձեր հեղուկի կորուստը կարող է հսկայական լինել, ուստի, ցավոք, դա [շոգեբաղնիքում ալկոհոլ խմելը] լավագույն տարբերակը չէ», - ընդգծել է Մալիշևան:
Բժիշկը խորհուրդ է տվել ջուր խմել շոգեբաղնիքներում։ «Ջուրը վերականգնում է ձեր կորուստները»,- բացատրել է մասնագետը։
