ԵՄ-ն վճռական է շարունակել որպես միջնորդ հանդես գալ Ադրբեջանի և Հայաստանի միջև. Շառլ Միշել
Եվրոպական միությունը վճռական է շարունակել որպես միջնորդ հանդես գալ Ադրբեջանի և Հայաստանի միջև հարաբերությունների կարգավորման հարցում։ Այս մասին հայտարարել է Եվրոպական խորհրդի նախագահ Շառլ Միշելը:
Նա ընդգծել է Հայաստանի և Ադրբեջանի տարածքային ամբողջականության և ինքնիշխանության փոխադարձ ճանաչման սկզբունքները։
«Մենք քննարկել ենք իրավիճակը Հարավային Կովկասում։ Վճռականորեն ենք տրամադրված շարունակել գործել որպես միջնորդներ՝ նպաստելու ԵՄ-ի աջակցությամբ Ադրբեջանի և Հայաստանի միջև հարաբերությունների կարգավորմանը՝ հիմնված տարածքային ամբողջականության և ինքնիշխանության փոխադարձ ճանաչման սկզբունքների վրա»,- հայտարարել է Միշելը:
Ըստ նրա՝ ԵՄ երկրների առաջնորդները միակարծիք են միջնորդական ջանքերի հարցով:
