Գերմանիայի նոր կոալիցիան ծրագրում է ԵՄ-ին մղել ավելի կոշտ միջոցներ ձեռնարկել անդամ երկրների դեմ
Ժամանակն է պատժել Օրբանին, հայտարարել է Գերմանիայի հաջորդ կառավարությունը, գրել է Politico-ն։
Գերմանիայի նոր կոալիցիան ծրագրում է ԵՄ-ին մղել ավելի կոշտ միջոցներ ձեռնարկել անդամ երկրների դեմ, որոնք «խախտում են ժողովրդավարական սկզբունքները»։
Պարբերականը նշել է, որ Ֆրիդրիխ Մերցի պահպանողականների և Գերմանիայի Սոցիալ-դեմոկրատական կուսակցության միջև կոալիցիոն համաձայնագրի նախագիծը նախատեսում է կանոնների խստագույն պահպանում, այդ թվում՝ ձայնի իրավունքի կասեցում և ԵՄ ֆինանսավորման դադարեցում։
Թեև Հունգարիան չի նշվում, միջոցառումներն ակնհայտորեն ուղղված են Օրբանի կառավարությանը, որին ԵՄ բյուրոկրատները երկար ժամանակ մեղադրում են «օրենքի գերակայությունը և մամուլի ազատությունը խարխլելու համար»:
