Ոստիկանները կնոջը հետապնդել են, քանի որ «չեն տեսել այդքան գեղեցիկ որեւէ մեկին»

Ամերիկուհին հայտարարել է, որ ոստիկաններն իրեն հետապնդել են, քանի որ «չեն տեսել այդքան գեղեցիկ որեւէ մեկին»։ 28-ամյա Հենդ Բուստամիին ոստիկանությունը ձերբակալել է Լաս Վեգասի «Հարի Ռիդ» միջազգային օդանավակայանի ռեստորանում իր հաշիվը չվճարելու համար․ գրում է News.am-ը։։

Դեպքի վայր կանչված Լաս Վեգասի քաղաքային ոստիկանությունը նրան հայտնաբերել է քնած «անցագրային կետի մոտ՝ խանգարելով նրանց աշխատանքին»։

Բուստամին ի վերջո ձերբակալվել է ուղեբեռը հանձնելիս, ձերբակալության մասին զեկույցում ասվում է, որ նա հարբած է եղել եւ «ագրեսիվ» է իրեն պահել սպաների հետ:

Բուստամին հայտարարել է, որ «իրեն հետապնդել են, քանի որ ոստիկանությունը երբեք չի տեսել այդքան գեղեցիկ որեւէ մեկին»։

Ձերբակալության ժամանակ Բուստամին սպառնացել է «թքել բոլորի [սպաների] վրա»՝ միաժամանակ ասելով, որ «սպաները այլասերված են եւ փորձել են բռնաբարել իրեն, քանի որ նրանք [երբեք] չեն տեսել այդքան գեղեցիկ որեւէ մեկին»,- ասվում է զեկույցում։