Կարեն Դեմիրճյանի անվան մարզահամերգային համալիրի տնօրեն է ընտրվել Կարեն Ղազարյանը
«Շարմ Հոլդինգ»-ի գլխավոր տնօրեն Կարեն Ղազարյանն ընտրվել է Կարեն Դեմիրճյանի անվան մարզահամերգային համալիրի տնօրեն: Այս մասին հայտնել են Պետական գույքի կառավարման կոմիտեից։
«2023 թ. օգոստոսի 1-ին Պետական գույքի կառավարման կոմիտեում տեղի է ունեցել «Կարեն Դեմիրճյանի անվան մարզահամերգային համալիր» ՓԲԸ-ի տնօրենի թափուր պաշտոնը զբաղեցնելու համար հայտարարված մրցույթը։
Մրցութային հանձնաժողովն ամփոփել է մրցույթի արդյունքները. հաղթող է ճանաչվել թափուր պաշտոնը զբաղեցնելու համար դիմած միակ հայտատու, ընկերության տնօրենի ժամանակավոր պաշտոնակատար Կարեն Ռաֆայելի Ղազարյանը»,-ասվում է հաղորդագրության մեջ։
