Պորտուգալիայի նախագահը ցրել է խորհրդարանը և նշանակել արտահերթ ընտրություններ
Պորտուգալիայի նախագահ Մարսելո Ռեբելու դե Սոզան մարտի 13-ի երեկոյան ելույթի ժամանակ հայտարարել է, որ խորհրդարանը կցրվի Լուիս Մոնտենեգրուի կառավարությանն անվստահություն հայտնելուց հետո։
Դե Սոզան ասել է, որ խորհրդարանի արձակումից հետո արտահերթ ընտրությունները կանցկացվեն մայիսի 18-ին, «այն օրը, որը նախընտրում են կուսակցությունների մեծ մասը», գրել են ԶԼՄ-ները։
Պորտուգալիայի նախագահի որոշումը կայացվել է Պետական խորհրդի նիստից հետո, խորհրդատվական մարմին, որի մասնակցությունը սահմանադրորեն պարտադիր է նման որոշումների համար:
Մարտի 11-ին Պորտուգալիայի խորհրդարանը պաշտոնանկ էր արել Մոնտենեգրուին գլխավորած աջ կենտրոնամետ կառավարությանը, որը սկանդալի մեջ էր հայտնվել շահերի բախման պատճառով։
Ճգնաժամի կենտրոնում վարչապետի ընտանիքին պատկանող խորհրդատվական ընկերությունն է։ Այն պայմանագրեր է կնքել մասնավոր ընկերությունների հետ, որոնք, ընդդիմության կարծիքով, հարստացրել են Մոնտենեգրուին: Վարչապետը հերքում է շահերի ցանկացած բախում։
Իր նկատմամբ անվստահություն հայտնելու նախաձեռնությունը եղել է անձամբ վարչապետը, ով դեմ է արտահայտվել իր ընտանիքի բիզնեսը հետաքննող խորհրդարանական հանձնաժողովի ստեղծմանը՝ պատճառաբանելով, որ խորհրդարանը ցրվել է, հանձնաժողովը չի կարող սկսել իր աշխատանքը։
Մոնտենեգրուի կուսակցությունը՝ Պորտուգալիայի աջ կենտրոնամետ Սոցիալ-դեմոկրատական կուսակցությունը, իշխանության է եկել 2024 թվականի սկզբին տեղի ունեցած արտահերթ ընտրությունների արդյունքում, որոնք երկրորդն են եղել երկու տարվա ընթացքում: Դրանց նախորդել էր կոռուպցիոն սկանդալը նրա նախորդի՝ Եվրոպական խորհրդի ներկայիս նախագահ Անտոնիու Կոշտայի կառավարությունում։
