Հուզիչ. Մեսսիի մայրը վազել է խաղադաշտ՝ որդու հետ տոնելու հաղթանակը

Աշխարհի 2022 թվականի առաջնության եզրափակչի  Արգենտինա-Ֆրանսիա հանդիպումն ավարտվեց 3:3(4։2) հաշվով՝ եռակի չեմպիոն դարձնելով Արգենտինայի հավաքականին։ 

Խաղի ավարտից հետո Արգենտինայի հավաքականի ավագ և հարձակվող Լիոնել Մեսսին Աշխարհի առաջնությունում հաղթանակը տոնել է մոր հետ:

Մեսսիի մայրը՝ Սելիա Մարիան, եզրափակիչ սուլիչից անմիջապես հետո վազել է խաղադաշտ ու ամուր գրկել որդուն:

Նշենք, որ  Արգենտինայի հավաքականի ավագ Լիոնել Մեսսին ճանաչվել է Կատարում կայացած Աշխարհի առաջնության լավագույն ֆուտբոլիստ։  Նա ԱԱ-ում իր խփած գնդակների թվով գերազանցեց նույնիսկ Պելեին։

35-ամյա հարձակվողը, ով իր թիմին հասցրեց աշխարհի չեմպիոնի կոչմանը, արժանացել է ԱԱ-2022-ի «Ոսկե գնդակին»։