Դավիթ Տոնոյանի և մյուսների կալանքի հարցով քննությունը կշարունակվի վաղը. դատավորն ինքնաբացարկ չհայտնեց
ՀՀ Վերաքննիչ քրեական դատարանում՝ դատավոր Մնացական Հարությունյանի նախագահությամբ, այսօր քննվել է ՀՀ պաշտպանության նախկին նախարար Դավիթ Տոնոյանի, զենքի մատակարարմամբ զբաղվող գործարար Դավիթ Գալստյանի (հայտնի որպես «Պատրոն Դավո»), ԶՈՒ ԳՇ պետի նախկին տեղակալ Ստեփան Գալստյանի, Ավետիք Մուրադյանի նկատմամբ ընտրված խափանման միջոց կալանքը փոփոխելու մասին միջնորդությունները։
Միջնորդության քննությունը կշարունակվի վաղը՝ 15։30-ին։
Նշենք, որ պաշտպանները դատավոր Մնացական Հարությունյանին բացարկի միջնորդություն էին ներկայացրել, որը դատարանն այսօր մերժել է։
