Ղազախստանի վարչապետն առաջարկել է ուժեղացնել ԵԱՏՄ երկրների աշխատանքն արհեստական ինտելեկտի ոլորտում
Ղազախստանը ծրագրում է 5 տարում մեկ միլիոն մարդ ուսուցանել արհեստական ինտելեկտի ոլորտում, հայտարարել է Ղազախստանի վարչապետ Օլժաս Բեկտենովը:
Ղազախստանը ստեղծում է արհեստական ինտելեկտի հանձնաժողով և մշակում արհեստական ինտելեկտի մասին օրինագիծ։
«Իսկ Ղազախստանի նախագահին կից արհեստական ինտելեկտի խորհուրդը կմիավորի ոլորտի առաջատար միջազգային փորձագետներին և թույլ կտա տեխնոլոգիաների արդյունավետ ինտեգրում»,- նշել է Ղազախստանի կառավարության ղեկավարը, գրել են ԶԼՄ-ները։
Ղազախստանի վարչապետը նաև առաջարկել է ուժեղացնել ԵԱՏՄ երկրների աշխատանքը արհեստական ինտելեկտի ոլորտում։ ««Astana Hub»-ը հանդես է գալիս որպես տեխնոլոգիական առաջընթացի և նորարարության տարածաշրջանային կենտրոն»։
«Այն համախմբում է ավելի քան մեկուկես հազար մասնակիցների՝ տարեկան ավելի քան 1 միլիարդ դոլար ընդհանուր եկամուտով, որոնց թվում է արհեստական ինտելեկտի ոլորտում 150 ստարտափ»,- ընդգծել է նա։
Որպես օրինակ՝ նա ցուցադրել է AI-ի ստեղծած տեսանյութ։
