Ֆրանսիան Ադրբեջանին կոչ է անում կատարել իր միջազգային պարտավորությունները, վերականգնել Լաչինի միջանցքով տեղաշարժը
Ֆրանսիայի ԱԳՆ-ն հայտարարություն է տարածել Ադրբեջանի Հայաստանը Լեռնային Ղարաբաղի հետ կապող Լաչինի միջանցքի մուտքի տեղադրված անցակետի վերաբերյալ։
«Ֆրանսիան ցավում է, որ Ադրբեջանը Լաչինի միջանցքի նոր երթուղու մուտքի մոտ անցակետ է ստեղծել, որը հակասում է հրադադարի համաձայնագրերով ստանձնած պարտավորություններին և վնասում է բանակցային գործընթացին։
Ֆրանսիան Ադրբեջանին կոչ է անում կատարել իր միջազգային պարտավորությունները, մասնավորապես՝ կիրառել Արդարադատության միջազգային դատարանի փետրվարի 22-ի որոշման մեջ նշված միջանկյալ միջոցները, որոնք պարտադիր են»,- ասված է հայտարարության մեջ։
Գերատեսչությունը կրկին կոչ է արել վերականգնել Լաչինի միջանցքով մարդկանց և ապրանքների ազատ տեղաշարժը երկու ուղղություններով և ապահովել գազի ու էլեկտրաէներգիայի անխափան մատակարարումը:
