Վաղը Մարտունիում կծնվի աշխարհի ութ միլիարդերորդ երեխան

Աշխարհի հոբերլանական՝ ութ միլիարդերորդ երեխան կծնվի Հայաստանում, Գեղարքունիքի մարզի Մարտունի քաղաքում։ Լուրը հրապարակել է ՅՈՒՆԻՍԵՖ-ը։ 

MediaHub.am-ը զրուցեց Մարտունու ծննդատան տնօրեն Արթուր Հովհաննիսյանի հետ՝ հասկանալու, թե ինչպե՞ս է կատարվել հաշվարկը։ 

«Չգիտեմ, այդ հաշվարկը մենք չենք արել։ ՅՈՒՆԻՍԵՖ-ն է ինչ-որ մանրակրկիտ հաշվարկներ անում, երևի թվային տեխնոլոգիաներով»,- ասաց ծննդատան տնօրենը։ 

Հարցին, որ եթե նման հաշվարկներ անել հնարավոր է, գուցե սպասվող երեխայի սեռն է՞լ է պարզ, Արթուր Հովհաննիսյանը ծիծաղով արձագանքեց՝ ո՞նց պետք է որոշենք սեռը։ 

«Կա՛մ աղջիկ է ծնվելու, կա՛մ տղա»,- նշեց նա։ 

Նշենք, որ ըստ ՄԱԿ-ի գնահատականների՝ 2022 թ. նոյեմբերի 15-ին աշխարհի բնակչությունը կհատի 8 միլիարդի սահմանը։ Վաղը ՄԱԿ-ի Բնակչության հիմնադրամը կայցելի Գեղարքունիքի մարզ, Մարտունու ծննդատուն՝ տեղում շնորհավորելու խորհրդանշական 8 միլիարդերորդ երեխայի ծնունդը։ 

Նարե Գնունի