Դատարանն արգելեց Լևոն Քոչարյանին մեկնել Ժնև

Երեւանի ընդհանուր իրավասության դատարանը՝ նախագահությամբ դատավոր Կարեն Ֆարխոյանի մերժեց վերացնել ԱԺ «Հայաստան» խմբակցության պատգամավոր Լեւոն Քոչարյանի նկատմամբ խափանման միջոց երկրից բացակայելու արգելքը։

Դատարանը շեշտեց, որ նախորդ նիստին արդեն իսկ ներկայացվել էր այդպիսի բովանդակությամբ միջնորդություն, ինչը նույնպես մերժվել էր։

Հաջորդ դատական նիստը տեղի կունենա մարտի 12–ին ժամը 16։00–ին, որտեղ կքննարկեն փաստաբան Արամ Վարդևանյանի միջնորդությունը` խափանման միջոցը գրավով փոխարինելու հարցը, որպեսզի Լևոն Քոչարյանը կարողանա մեկնել Ժնև։ 

Մարտի 22–25–ը Ժնև քաղաքում անցկացվելու է միջխորհրդարանական միության 148–րդ վեհաժողովը։