Մոլորակը փրկել ցանկացողները կարող են շաբաթական մի քանի բուրգեր ուտել

Համաշխարհային ռեսուրսների ինստիտուտի եւ այլ կազմակերպությունների փորձագետները պատրաստել են «Կլիմայական գործողությունների վիճակը 2022» զեկույցը, որում խոսվում է այն միջոցների մասին, որոնք մարդիկ եւ կառավարությունները պետք է ձեռնարկեն՝ կլիմայի վրա բացասական մարդածին ազդեցությունը նվազեցնելու համար, գրում է The Guardian-ը:

Մսի օգտագործումը պետք է կրճատվի շաբաթական երկու բուրգերի չափով, ինչը կնվազեցնի գյուղատնտեսության ազդեցությունը կլիմայի վրա:

Հասարակական տրանսպորտային ոլորտը պետք է վեց անգամ ավելի արագ զարգանա՝ մեքենաների արտանետումները նվազեցնելու նպատակով։ Ածուխից հրաժարվելու գործընթացը նույնպես պետք է արագացվի վեց անգամ։

Փորձագետները վերլուծել են մինչեւ 2030 թվականը ջերմոցային գազերի արտանետումների կրկնակի կրճատման համաշխարհային առաջընթացի 40 ցուցանիշ: Ցուցանիշներից են անտառահատումների տեմպերի նվազումը, մետալուրգիայի ածխաթափումը, անցումը էլեկտրական տրանսպորտին։

Պարզվել է, որ ցուցանիշների կեսով մարդկությունը շեղվել է նախատեսված նպատակներից, իսկ հինգի համաձայն՝ գնում է սխալ ուղղությամբ։ Ամենավատը գազի օգտագործումն է, պողպատի արտադրությունը, մանգրերի անհետացումը, գյուղատնտեսությունից արտանետումներն ու մեքենաների շահագործումը:

Համաշխարհային տնտեսությունը ցածր ածխածնային հիմքի տեղափոխելու համար առաջիկա տասը տարիների ընթացքում տարեկան լրացուցիչ 460 միլիարդ դոլար պետք է հատկացվի, ասում են փորձագետները:

Նյութի աղբյուրը՝ NEWS.am