Հնարավո՞ր է խնձոր ուտել կեղևով և ի՞նչ կլինի, եթե սերմը կուլ տաք

Խնձորը հարուստ է բջջանյութով, որն անհրաժեշտ է նորմալ մարսողության համար. 100 գրամանոց միրգը պարունակում է 2,5 գ սննդային մանրաթել, և դրա մեծ մասը, ինչպես նաև օգտակար պոլիֆենոլները, կեղևի մեջ են։

Բջջանյութի և հեղուկի մեծ քանակության շնորհիվ խնձորն արագ հագեցվածության զգացում է հաղորդում։ Մի ուսումնասիրություն ցույց է տվել, որ ամբողջական մրգեր ուտելը 4 ժամ ավելի երկար է հագեցվածության զգացումը պահում, քան նույն քանակությամբ խյուս մրգեր կամ  հյութ խմելը: Դա տեղի է ունենում այն ​​պատճառով, որ ամբողջական մրգերը նվազեցնում են ստամոքսից սննդի արտազատման արագությունը: Ուստի կեղևով խնձոր ուտելը ոչ միայն վնասակար չէ, այլև առողջարար։

Պետք չէ դիտավորյալ խնձորի սերմեր ուտել, անկախ նրանից, թե ինչ են ասում դրանց մասին համացանցում։ Եթե ​​պատահաբար մի երկուսը կուլ տաք, մեծ վնաս չի լինի։ Բայց հարկ է հիշել, որ խնձորի 1 գ սերմը, կախված սորտից, պարունակում է 1–4 մգ ամիգդալին, մի նյութ, որի քայքայման արդյունքում առաջանում է հիդրոցիանաթթու (ջրածնի ցիանիդի լուծույթ): Այն չափազանց թունավոր է և առաջացնում է շնչահեղձություն։ Հետեւաբար, մեծ քանակությամբ սերմերի նպատակային ուտելը կարող է նույնիսկ մահվան հանգեցնել։