Քեյթ Միդլթոնն առաջին անգամ խոսել է իր կյանքի մասին՝ քաղցկեղ հայտնաբերելուց հետո

Քեյթ Միդլթոնն իր ախտորոշումից հետո առաջին անգամ խոսել է քաղցկեղով հիվանդ կյանքի մասին և նոր լուսանկար է հրապարակել Վինձորի ամրոցում։ Այս մասին գրում է The New York Times-ը։

Կինը նշել է, որ ուրախ է հունիսի 15-ին կայանալիք Չարլզ III թագավորի ծննդյան օրվան նվիրված շքերթին մասնակցելու հնարավորություն ունենալու համար, և մտադիր է նորից սկսել հանրության առաջ հայտնվել։ «Ես լավ առաջադիմում եմ, բայց ինչպես քիմիաթերապիայի միջով անցնող յուրաքանչյուրը գիտի, կան լավ և վատ օրեր: Վատ օրերին դու քեզ թույլ, հոգնած ես զգում և պետք է հանգստություն տաս մարմնիդ, իսկ լավ օրերին, երբ քեզ ավելի ուժեղ ես զգում, ցանկանում ես առավելագույնս օգտագործել այն, ինչ զգում ես»,- ասել է արքայադուստրը:

Քեյթի խոսքով՝ երբ էներգիա է ունենում, ժամանակ է տրամադրում երեխաների դպրոցական կյանքին ու մի քիչ աշխատում։ «Ես սովորում եմ համբերատար լինել, հատկապես անորոշության պայմաններում, ընդունել ամեն օր, ինչպես որ գալիս է, լսեք մարմնին և թույլ տվեք ձեզ բուժվելու համար այդքան անհրաժեշտ ժամանակ հատկացնել»,- ասել է կինը:

Արքայադուստրը նաև շնորհակալություն է հայտնել բոլորին, ովքեր ախտորոշման պատճառով օգնության խոսքերով դիմել են իրեն և կիսվել քաղցկեղի դեմ պայքարի իրենց պատմություններով: