Ալեն Սիմոնյանին ԱԺ նախագահի պաշտոնից հետ կանչելու վերաբերյալ նախագիծը շրջանառության մեջ է. Արծվիկ Մինասյան. «Փաստինֆո»
«Փաստինֆո»-ի հաղորդմամբ՝ ընդդիմությունը մտադիր է առաջիկայում Ալեն Սիմոնյանին ԱԺ նախագահի պաշտոնից հետ կանչելու օրակարգով արտահերթ նիստ հրավիրելու նախաձեռնությամբ հանդես գալ:
Աղբյուրը հիշեցնում է, որ ընդդիմադիր «Հայաստան» և «Պատիվ ունեմ» խմբակցությունները Ազգային ժողովի նախագահի պաշտոնում Ալեն Սիմոնյանի ընտրությունը վիճարկել էին Սահմանադրական դատարանում:
«Հայաստան» խմբակցության քարտուղար Արծվիկ Մինասյանը աղբյուրին հայտնել է, որ Ալեն Սիմոնյանին ԱԺ նախագահի պաշտոնից հետ կանչելու վերաբերյալ նախագիծը շրջանառության մեջ է, այն պետք է արտահերթ նիստով քննարկվի:
Պատգամավորը չի բացառել, որ ՍԴ որոշման հրապարակումից հետո ընդդիմությունը այս օրակարգով արտահերթ նիստ հրավիրելու նախաձեռնությամբ հանդես կգա:
Պատգամավոր Արամ Վարդևանյանն էլ իր հերթին հայտնել է, որ Ազգային ժողովի նախագահի պաշտոնում Ալեն Սիմոնյանի ընտրությունը վիճարկելու հարցով ՍԴ նիստը կկայանա ապրիլի 5-ին, որից հետո կորոշեն իրենց հետագա քայլերը.
«Հունվար ամսին որոշվել էր, որ այն պետք է իրականացվի բանավոր ընթացակարգով, մի քանի օր առաջ ՍԴ-ն որոշեց բանավորից կրկին անցում կատարել գրավոր ընթացակարգի՝ չներկայացնելով ոչ մի հիմնավորում, սպասում ենք ՍԴ որոշմանը»,-ասել է Վարդևանյանը:
Նյութն ամբողջությամբ՝ սկզբնաղբյուր կայքում:
