Լուկաշենկոն Հաղթանակի օրվա կապակցությամբ համաներում է շնորհել հազարավոր բանտարկյալների

Բելառուսի նախագահ Ալեքսանդր Լուկաշենկոն ստորագրել է «Հայրենական մեծ պատերազմում հաղթանակի 80-ամյակի կապակցությամբ համաներման մասին» օրենք։ 

«Մեծ Հաղթանակի օրվա նախօրեին այս օրենքի ընդունումը նշանավորում է հումանիզմի դրսևորում բելառուսական հասարակությունում, որը ձգտում է մեղավոր կողմերի վերասոցիալականացմանը», - ասվում է հայտարարության մեջ։

Նշվում է, որ սահմանված համաներման կիրառման պայմանը հանցագործության պատճառած վնասի լրիվ փոխհատուցումն է և պատժի կրման ընթացքում դրական բնութագրումը, իսկ օրենքը տարածվում է անչափահասների, հղի կանանց, 18 տարեկանից փոքր երեխաներ ունեցող միայնակ ծնողների, I և II խմբերի հաշմանդամների, Չեռնոբիլի աղետից տուժածների, ինչպես նաև զինվորական ծառայության ընթացքում վիրավորված կամ հիվանդացածների վրա։

Նրանց համար, ովքեր չեն ընդգրկվում համաներման մեջ, պատիժը մասամբ կրճատվել է 1 տարով։ Ինչպես նշված է զեկույցում, համաներումը կազդի գրեթե ութ հազար դատապարտյալի վրա։