Գաղտնազերծվել է նոր iPhone SE-ն

Ինսայդեր Ջոն Պրոսերը գաղտնազերծել է նոր սերնդի SE սմարթֆոնի մասին տեղեկատվությունը, հայտնում է 9to5mac-ը։

Թեմատիկ լրատվամիջոցների լրագրողները հղում են արել Ջոն Պրոսերին, որը Geared Up փոդքասթի շրջանակներում տեղեկություններ է բացահայտել Apple-ի նոր էժան սմարթֆոնի մասին։ Հեղինակի խոսքով, շարքի հաջորդ սարքը դիզայնը կստանա iPhone Xr-ից՝ լրիվ չափով էկրան։ Բացի այդ, սարքը կզրկվի մատնահետքի Touch ID սենսորով Home կոճակից: Գաջեթի թողարկման ժամկետը չի բացահայտվում։

Այսպիսով, Apple-ը կհրաժարվի iPhone 8-ի դիզայնից, որն օգտագործվել է SE-ի երկու սերունդներում՝ 2020 եւ 2022 թվականներին թողարկված սմարթֆոնների համար։ Այս սարքերն ունեն 4,7 դյույմանոց IPS էկրան, Home կոճակ, մեկ տեսախցիկ եւ թողարկման պահին արդիական պրոցեսորներ: 2018 թվականին ներկայացված iPhone Xr-ը ստացել է 6,1 դյույմանոց IPS էկրան։

Apple-ը ստեղծել է նոր iPhone SE-ն՝ մարտի 8-ին ներկայացնելու համար։ Սարքը թողարկվել է A15 պրոցեսորով, 5G ցանցերի աջակցությամբ, մեկ տեսախցիկով՝ 12 մեգապիքսել թողտվությամբ։ Գինը սկսվում է 429 դոլարից։