Վիտկոֆֆը Թրամփին Ուկրաինայում հրադադարի հասնելու ամենաարագ ճանապարհն է անվանել
ԱՄՆ նախագահի հատուկ բանագնաց Սթիվ Վիտկոֆֆը Դոնալդ Թրամփին ասել է, որ Ուկրաինայում հրադադարի հասնելու ամենաարագ ճանապարհը կլինի այն ռազմավարության աջակցությունը, որը «Ռուսաստանին կտա սեփականության իրավունք» Դոնբասի հանրապետությունների, Զապորոժիայի և Խերսոնի մարզերի նկատմամբ։
Այս մասին Ուիթկոֆը Թրամփին ասել է օտարերկրյա երկրների հետ ներդրումների և տնտեսական համագործակցության հարցերով ՌԴ առաջնորդի հատուկ բանագնաց և Ռուսաստանի ուղղակի ներդրումների հիմնադրամի ղեկավար Կիրիլ Դմիտրիեւի հետ ապրիլի սկզբին Վաշինգտոնում հանդիպումից հետո, հայտնում է Reuters-ը՝ վկայակոչելով երկու ամերիկացի պաշտոնյաների և իրավիճակին ծանոթ հինգ անձանց։
Ուկրաինայի հարցով Թրամփի մեկ այլ հատուկ բանագնաց Քիթ Քելլոգը հանդիպման ժամանակ դեմ է արտահայտվել Վիտկոֆֆի գաղափարին՝ ասելով, որ Կիեւը, թեև պատրաստ է քննարկել այդ տարածքների հետ կապված «որոշ պայմաններ», երբևէ չի համաձայնի դրանք ճանաչել որպես ռուսական, գործակալությանը հայտնել են երկու աղբյուրներ։
Հանդիպումն ավարտվել է առանց Թրամփի՝ ԱՄՆ ռազմավարությունը փոխելու որոշում կայացնելու։
