Apple-ը նախատեսում է iPhone-ի արտադրությունը Չինաստանից տեղափոխել Հնդկաստան

Ամերիկյան Apple տեխնոլոգիական հսկան հայտարարել է iPhone 14-ի արտադրությունը Հնդկաստանում սկսելու որոշման մասին՝ Չինաստանից թողունակության մի մասի փոխանցման ֆոնին։ Այս մասին գրում է Reuters-ը։

Ենթադրվում է, որ որոշումը կարող է կապված լինել Պեկինի և Վաշինգտոնի միջև աճող լարվածության պայմաններում արտադրության մեծ մասը Չինաստանում պահելու քաղաքական ռիսկերի հետ: Բացի դրանից, Հնդկաստանը սմարթֆոնների երկրորդ շուկան է Չինաստանից հետո։

Մինչև տարեվերջ Apple-ը կտեղափոխի իր iPhone 15-ի արտադրական հզորության մոտ հինգ տոկոսը Հնդկաստան, իսկ մինչև 2025 թվականը Հնդկաստանը կարող է կազմել iPhone-ի արտադրության մինչև 25 տոկոսը։