Իջևանում մաքրման աշխատանքները երեկ են սկսվել, ամեն ինչ իր հունով է ընթանում․ Վահե Ղալումյան
Տեղատարափ կարկուտից հետո երեկ Իջևան քաղաքում գրանցվել են բազմաթիվ ավերածություններ, վնասվել է գրեթե ողջ բերքը, տապալվել են ծառեր, պոկվել՝ տանիքներ։
MediaHub-ին ՀՀ ԱԺ «Քաղաքացիական պայմանագիր» խմբակցության պատգամավոր, տավուշեցի Վահե Ղալումյանը փոխանցեց, որ մաքրման աշխատանքները երեկ երեկոյան են սկսվել։
«Ամեն ինչ իր հունով է գնում, բոլոր աշխատանքներն իրականացվում են։ Նորմալ է ամեն ինչ, կապի մեջ եմ բոլորի հետ»,-ասաց նա։
MediaHub-ի տեղեկություններով՝ վնաս կրած քաղաքացիներին փոխանցվել են հեռախոսահամարներ, որոնց դիմելով կարող են ներկայացնել, թե ինչ վնաս են կրել և ինչ փոխհատուցում են ստանալու։
Տեղի ունեցած ավերածություններից հետո զանգերը չեն լռում։
Լիաննա Թորոսյան
