Հայտնաբերվել են անբուժելի դեմենցիայի նոր պատճառներ․ ի՞նչ է հայտնի
Scripps Research Institute-ի գիտնականները հայտնաբերել են Ալցհեյմերի հիվանդության նոր մոլեկուլային պատճառները՝ դեմենցիայի ամենատարածված ձևը, որը դեռևս բուժում չունի:
Հետազոտության արդյունքները հրապարակվել են Advanced Science ամսագրում։
Հայտնի է, որ Ալցհեյմերի հիվանդությամբ տառապող մարդկանց ուղեղի որոշ նեյրոններ դառնում են գերակտիվ՝ էլեկտրական ազդանշաններ ուղարկելով ավելի ուժեղ և ավելի հաճախ, քան նորման է:
Այս չափազանց ակտիվությունը, որը նաև հայտնի է որպես հիպերգրգռվածություն, հանգեցնում է ճանաչողական ֆունկցիայի նվազմանը:
Գիտնականները մշակել են scPatch-Clamp/Proteomics համակարգ, որը կարող է ճշգրիտ չափումներ կատարել ուղեղի առանձին բջիջների վրա, այնուհետև համեմատել Ալցհեյմերի հիվանդությամբ տուժած բջիջներն առողջների հետ: Զանգվածային սպեկտրոմետրիան օգտագործվել է առանձին նյարդային բջիջներում ավելի քան 2250 սպիտակուցների մակարդակը չափելու համար, իսկ էլեկտրական ակտիվությունը չափելու համար օգտագործվել է լոկալ պոտենցիալի ֆիքսացիայի մեթոդ, որի դեպքում հատուկ միկրոպիպետտը ծառայում է որպես էլեկտրոդ, որը որոշում է պոտենցիալ տարբերությունը բջջային մեմբրանի մի հատվածի միջև: .
Հետազոտողները վերլուծել են մոտ 150 նեյրոն ու հայտնաբերել ավելի քան 50 սպիտակուցներ, որոնց մակարդակները փոխվել են հիպերգրգռված բջիջներում: Այս սպիտակուցները ներգրավված են նեյրոնների մի շարք գործառույթներում, ներառյալ թթվածնի ռադիկալների վերահսկումը, էներգիայի նյութափոխանակությունն ու բորբոքումը: Պարզվել է, որ 15 սպիտակուցի մակարդակը հատկապես բարձր կամ ցածր է Ալցհեյմերի հիվանդությամբ հիվանդների նեյրոններում:
Հեղինակները նախատեսում են օգտագործել scPatch-Clamp/Proteomics մեթոդը՝ պոտենցիալ դեղամիջոցները սքրինինգի ենթարկելու համար, ստուգելու, թե արդյոք դրանք վերաբերում են թե՛ նեյրոնների հիպերգրգռվածությանը, թե՛ սպիտակուցի աննորմալ մակարդակներին:
