Գվատեմալայում տեղատարափ անձրևների զոհն է դարձել 21 մարդ
Գվատեմալայում 21 մարդ է մահացել տևական հորդառատ անձրևների պատճառով. այդ մասին հայտնում է Prensa Latina գործակալությունը: Եվս 7 մարդ անհետ կորած է համարվում:
Տեղումների հետևանքով գետերում ջրերը վարարել են, առաջացրել են հեղեղումներ, կամուրջներ են փլվել: Որոշ վայրերում գրանցվել են սողանքներ: Վնասվել է 108 ավտոճանապարհ, 7 կամուրջ: Բացի այդ, լրջորեն վնասվել է 111 տուն, 982 շենք թեթև վնաս է կրել:
Անձրևային սեզոնը Գվատեմալայում սկսվում է մայիսին և շարունակվում մինչև հոկտեմբեր:
