Կրեմլը մեկնաբանել է Զելենսկու՝ ՌԴ-ի հետ հնարավոր փոխզիջման շուրջ հանրաքվե անցկացնելու մասին հայտարարությունը
Կրեմլը չի հայտնում Ռուսաստանի և Ուկրաինայի պատվիրակությունների բանակցությունների մանրամասները՝ գործընթացին չվնասելու համար, ՏԱՍՍ-ի փոխանցմամբ՝ երեքշաբթի լրագրողներին ասել է ՌԴ նախագահի մամուլի քարտուղար Դմիտրի Պեսկովը։
«Ուկրաինան ինքնիշխան պետություն է, և կարող են լինել և պետք է լինեն ինչ-որ ներքին ընթացակարգեր»,- պատասխանել է նա այն հարցին, թե ինչպես է Կրեմլը վերաբերվում Ուկրաինայի նախագահ Վլադիմիր Զելենսկու՝ Ռուսաստանի հետ փոխզիջումների վերաբերյալ Ուկրաինայում հնարավոր հանրաքվե անցկացնելու գաղափարին։
«Բայց բացի այս, կա նաև սուբստանցիա, որը գտնվում է երկու պատվիրակությունների միջև բանակցությունների փուլում, ես չեմ կարող խառնվել այդ սուբստանցիաների մանրամասներին, մենք համոզված ենք, որ այս պահին դրանք հրապարակայնացնելը միայն կարող է վնասել բանակցային գործընթացին, որն առանց այն էլ ուզածից շատ ավելի դանդաղ ու բովանդակալից է ընթանում»,- հավելել է Կրեմլի խոսնակը։
