Հայաստանի պարաբազկամարտի հավաքականը բազմաթիվ մեդալներ է նվաճել աշխարհի 26-րդ առաջնությանը

Հայաստանի պարաբազկամարտի հավաքականն օգոստոսի 15-25-ը Մոլդովայում մասնակցում է Պարաբազկամարտի աշխարհի 26-րդ առաջնությանը։

Հայաստանի ներկայացուցիչները տարբեր դասակարգումների քաշային կարգերում մրցումներին մասնակցել են թե՛ աջ, թե՛ ձախ ձեռքով:

Ձախ ձեռքով մրցապայքարում աշխարհի չեմպիոնի կոչմանն արժանացել են Վալտեր Հարությունյանը, Սարգիս Խաչատրյանը, Գևորգ Համբարձումյանը, Անահիտ Բաբաջանյանն ու Նաիրա Մեսրոպյանը:

Երկրորդ տեղը զբաղեցրել են Գուրգեն Անտոնյանը, Սարգիս Հարությունյանը և Շահեն Բաբայանը, բրոնզե մեդալ է նվաճել Արմեն Ենոքյանը: 

Աջ ձեռքով մրցապայքարում աշխարհի չեմպիոնի կոչմանն արժանացել են Գուրգեն Անտոնյանը, Վալտեր Հարությունյանը, Շահեն Բաբայանը և Նաիրա Մեսրոպյանը, արծաթե մեդալ են նվաճել Սարգիս Խաչատրյանն ու Վոլոդյա Բազեյանը, բրոնզե մեդալակիր է դարձել Սարգիս Հարությունյանը:

Հայաստանի հավաքականը 61 երկրների պայքարում զբաղեցրել է թիմային 4-րդ հորիզոնականը:

ՀՀ կրթության, գիտության, մշակույթի և սպորտի նախարարություն