Մոսկվան կոչ է անում Երևանին և Բաքվին նվազեցնել ռազմատենչ հռետորաբանության ինտենսիվությունը․ Զախարովա
Մոսկվան կոչ է անում Երևանին և Բաքվին նվազեցնել ռազմատենչ հռետորաբանության ինտենսիվությունը: Մամուլի ասուլիսի ժամանակ հայտարարել է Մարիա Զախարովան։
«Բաքվի և Երևանի միջև բոլոր տարածքային վեճերն ու փոխադարձ պահանջները պետք է լուծվեն քաղաքական և դիվանագիտական մեթոդներով»,- նշել է Զախարովան։
«Տարածաշրջանում կայուն խաղաղության ու բարգավաճման հաստատման համար անհրաժեշտ մեխանիզմներ կան։ Սա, առաջին հերթին, Ռուսաստանի, Հայաստանի և Ադրբեջանի ղեկավարների միջև եռակողմ համաձայնագրերի ամբողջություն է։ Ռուսաստանի Դաշնությունը միշտ պատրաստ է աջակցել լուծումներ գտնելու հարցում, այդ թվում՝ հայ-ադրբեջանական սահմանի սահմանազատման հարցում»,- հավելել է Զախարովան։
