Տվերի մարզում բախվել են ավտոբուսը, բժշկական ծառայության ավտոմեքենան և այլ մեքենա

Տվերի մարզում բախվել են բժշկական ծառայության մեքենան, ավտոբուսը և մարդատար ավտոմեքենան, երկու մարդ տուժել է, որոնցից մեկը հոսպիտալացվել է. հայտնել է Կոնակովոյի շրջանի միասնական հերթապահ դիսպետչերական ծառայությունը։

Սոցցանցերում հայտնվել է «բժշկական ծառայություն» ցուցանակով ավտոմեքենայի, ավտոբուսի և մեքենայի բախման տեսանյութը։ Ճանապարհի կողքին ձյուն մաքրող տղամարդը խուսափել է մեքենայից, որը հարվածից շպրտվել է նրա ուղղությամբ։

«Ժամը 9.18-ին էր, Նովոզավիդովսկի գյուղը», - հաղորդում է EDDS-ը՝ հավելելով, որ վթարի մասնակիցներն են եղել բժշկական ծառայությանը պատկանող «LADA Largus» մակնիշի ավտոմեքենան, սովորական ավտոբուսը և մեկ այլ մարդատար ավտոմեքենա՝ «Toyota Corolla»-ն։

«LADA Largus-ի վարորդը վիրավորվել է: Նրան տեղափոխել են Տվեր՝ չորրորդ հիվանդանոց, իսկ Toyota Corolla-ի ուղևորուհին ծնկի կապտուկ է ունեցել, հրաժարվել է հոսպիտալացումից։ Այդ պահին ավտոբուսում ութ մարդ է եղել. տուժածներ չկան»,- նշել են ծառայությունից։