Խոշոր հրդեհ՝ Արմավիրի տեխնիկական դպրոցի տարածքում

Երեկ՝ դեկտեմբերի 19-ին, խոշոր հրդեհ  է տեղի ունեցել Արմավիրի մարզում։ Ժամը 12։45-ի սահմաններում ՀՀ ներքին գործերի նախարարության փրկարար ծառայության 9-11 ճգնաժամային կառավարման ազգային կենտրոն ահազանգ է  ստացվել, որ Արմավիր քաղաքում՝ Բաղրամյան փողոցի թիվ 5 հասցեում գտնվող «Արմավիրի տեխնիկական դպրոց» ՍՊԸ-ի առաջին հարկում հրդեհ է բռնկվել։

Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել Արմավիրի թիվ 27 հրշեջ-փրկարարական ջոկատից՝ 1 մարտական հաշվարկ։

Պարզվել է, որ շենքի չշահագործվող սենյակներից մեկում այրվել է աղբ (մոտ 10 խ.մ), իսկ շահագործվող հատվածում՝ սենյակ՝ գույքով (մոտ 10 ք.մ):

Հրդեհի հետևանքով բարեբախտաբար տուժածներ չկա։