Բժիշկը նշել է տարիքը, երբ պետք է դադարեցնել գարեջուր խմելը․ ահա թե ինչու

Որոշ մարդիկ կարծում են, որ գարեջուրը և որոշ այլ ալկոհոլային խմիչքներ ունեն օգտակար հատկություններ նյարդային բջիջների համար, սակայն գիտությունն այլ բան է ասում։ Սակայն այս ըմպելիքի օգտագործումը կարող է մեծացնել ծերության ժամանակ Ալցհեյմերի հիվանդության զարգացման ռիսկը, զգուշացրել է դեմենցիայի մասնագետը:

Ամերիկացի նյարդաբան բժիշկ Ռիչարդ Ռեստակի խոսքով՝ 65 տարեկանից բարձր մարդիկ պետք է ամբողջությամբ հրաժարվեն ալկոհոլից, գրել է Daily Mail-ը։

«Ալկոհոլը շատ թույլ նեյրոտոքսին է և լավ չէ նյարդային բջիջների համար», - գրել է դոկտոր Ռեստակը իր «Հիշողության ամբողջական ուղեցույց. ձեր միտքն ուժեղացնելու գիտություն» գրքում:

Նյարդաբանը նշել է, որ մարդկանց համար կարևոր է ալկոհոլից զերծ մնալ կյանքի այն փուլում, երբ կարևոր է նեյրոնների պահպանումը։ Նա ընդգծել է, որ 65 տարեկանում դեմենցիայի զարգացման վտանգը հինգ անգամ ավելանում է, և այս ցուցանիշը շարունակում է աճել յուրաքանչյուր հինգ տարին մեկ։

Բրիտանական Alzheimer's Society բարեգործական կազմակերպության հետազոտությունը ցույց է տվել, որ չափից շատ ալկոհոլ օգտագործելը մեծացնում է դեմենցիայի զարգացման ռիսկը: Գիտնականներն ասում են, որ մարդիկ, ովքեր հիմա գարեջուր չեն խմում, ապագայում չպետք է դա անեն:

Միլանի Բիկոկկա համալսարանի գիտնականները պարզել են, որ հոփի գարեջուրը կարող է նվազեցնել դեմենցիայի զարգացման ռիսկը, բայց միայն չափավոր օգտագործման դեպքում:

Փորձարկվել են գարեջրի մեջ հայտնաբերված հոփի ծաղիկների չորս ընդհանուր տեսակներ՝ տեսնելու, թե որքանով են դրանք կանխում ուղեղի սպիտակուցների կուտակումը, որը կարող է հանգեցնել Ալցհեյմերի հիվանդության: Թեստերի ընթացքում գիտնականները կարողացել են արգելափակել բետա-ամիլոիդ սպիտակուցների կուտակումը բջիջների շուրջ:

Այնուամենայնիվ, հետազոտողները խորհուրդ չեն տալիս մեծ տարիքում գարեջուր և այլ ալկոհոլ օգտագործել: Նրանք զգուշացրել են, որ նման խմիչքները կարող են բացասաբար ազդել առողջության վրա։