120 հազար քրիստոնյա սպասում է, որ հայ ազգն իրեն ուժ տա՝ այս վիճակից դուրս գալու. արցախցի
Հայ ազգը գաղափարախոսություն չունի, հելեք տներից։ Այսօր ՄԱԿ-ի գրասենյակի մոտ անցկացվող ակցիայի ընթացքում հայտարարեց արցախցիներից մեկը, որը նաև զոհված զինծառայողի հորեղբայր է։
Նրա խոսքով՝ Լաչինի միջանցքը կբացվի, եթե հայ ազգը միասնական լինի, ոտքի կանգնի։
«Ցեղասպանությունն էլ ա սենց եղել։ Հայ ազգ, դո՛ւրս արի տնից, գործը թո՛ղ, արի պայքարելու։ Հիմա հայ ազգը գաղափարախոսություն չունի։ 1915-ին էլ ա տենց եղել»,- նշեց քաղաքացին։
Նա նկատեց՝ միշտ եղել է պայքարի հրապարակում, բայց «փնթի բաներ» չի սիրում։
«Իմ բողոքն իմ սրտի մեջ է։ Կյանքի ճանապարհը պետք է բացել։ Սադրիչներ կան։ 120 հազար քրիստոնյա սպասում է, որ հայ ազգն իրեն ուժ տա՝ էս վիճակից դուրս գալու»,- նշեց նա։
