Նա հիանալի մասնագետ էր. ՌԴ ԱԳՆ-ն՝ Գեորգի Տեր-Ղազարյանցի մահվան մասին
ՌԴ ԱԳՆ-ն և ՌԴ ԱԳՆ Աֆրիկայի դեպարտամենտը իրենց ցավակցությունն են հայտնել խորհրդային դիվանագետ, աֆրիկյան երկրներում ԽՍՀՄ դեսպան Գեորգի Տեր-Ղազարյանցի մահվան կապակցությամբ։
Հիշեցնենք, որ դեկտեմբերի 31-ին Մոսկվայում 100 տարեկանում մահացել է Գեորգի Տեր-Ղազարյանցը:
«Կյանքից հեռացել է հրաշալի մարդ, առաջնագծի զինվոր, մեր ականավոր գործընկերը, հիանալի մասնագետ, ով մեծ ներդրում է ունեցել աֆրիկյան երկրների հետ երկկողմ հարաբերությունների զարգացման գործում։ Գեորգի Արտաշեսովիչը պարկեշտ, ազնիվ ու համակրելի անձնավորություն էր՝ պատրաստ կիսելու իր գիտելիքներն ու փորձը։
Տեր-Ղազարյանցի վառ ու բարի հիշատակը հավերժ կմնա նրա ընտանիքի ու բարեկամների, ընկերների ու աշխատակիցների հիշողության մեջ»,-ասված է հաղորդագրության մեջ։
