Alpine-ը երեք էլեկտրական քրոսովեր կպատրաստի

2017 թվականին ֆրանսիական Alpine ապրանքանիշի վերածնունդից ի վեր, ապրանքանիշի շարքում եղել է միայն մեկ մեքենա՝ A110 սպորտային կուպեն, որը տարիների ընթացքում ձեռք է բերել բազմաթիվ հատուկ մոդիֆիկացիաներ եւ տարբերակներ: Սակայն իրավիճակը մոտ ապագայում կփոխվի, երբ Alpine-ը կանցնի բացառապես էլեկտրական մեքենաների արտադրությանը։ Եվ այս փոխակերպմանը զուգահեռ նա հույսը դնելու է քրոսովերի վրա, որոնցից շարքում կլինեն միանգամից երեքը։

Որպես նախկինում հայտարարված Dream Garage նախագծի մաս, արդեն հաստատապես հայտնի էր 2025-ից 2026 թվականներին էլեկտրական սպորտային մեքենայի թողարկման մասին, որը կփոխարինի Alpine A110-ին, ինչպես նաեւ 2024-ից 2025 թվականներին «լիցքավորված» հեչբեկի թողարկման մասին, միեւնույն ժամանակ պետք է ցուցադրվեր ապրանքանիշի պատմության մեջ առաջին C կարգի քրոսովերը։

Սակայն այժմ հայտնի է դարձել, որ ավելի շատ քրոսովերներ են լինելու։ Ավելի մեծ D դասի քրոսովերը շուկա դուրս կգա 2027 թվականին, իսկ Alpine-ի ամենամեծ էլեկտրական քրոսովերը, որը կլինի E դասի, կցուցադրվի 2028 թվականին։

Բոլոր մոդելները հիմնված կլինեն Renault-Nissan-Mitsubishi դաշինքի շրջանակներում մշակված հարթակի վրա։ Նոր մոդելներով Alpine-ը մտադիր է նոր շուկաներ նվաճել Հյուսիսային Ամերիկայում եւ Չինաստանում, որտեղ քրոսովերներն ու էլեկտրական մեքենաներն ավելի տարածված են, քան դասական սպորտային մեքենաները: Ընկերությունն ակնկալում է, որ ի վերջո այս երկու տարածաշրջանները կկազմեն բոլոր ապրանքանիշերի վաճառքի կեսից ավելին: