Աբխազիայի նախագահը Անվտանգության խորհրդի հետ քննարկել է հանրապետությունում ստեղծված իրավիճակը
Աբխազիայի նախագահ Ասլան Բժանիան Անվտանգության խորհրդում քննարկել է հանրապետությունում ստեղծված իրավիճակը և դրա լուծումը, հաղորդել է նրա մամուլի ծառայությունը։
«Աբխազիայի նախագահ Ասլան Բժանիայի նախագահությամբ կայացել է Անվտանգության խորհրդի նիստը, որի ընթացքում քննարկվել են ներկա իրավիճակը և դրա կայունացման միջոցառումները»,- ասվում է հաղորդագրությունում։
Բացի այդ, Բժանիան հանձնարարականներ է տվել Անվտանգության խորհրդի անդամներին՝ անօրինական գործողությունները կանխելու վերաբերյալ։
Աբխազիայում իշխանությունների և ընդդիմության միջև առճակատումը սկսվել է Ռուսաստանի Դաշնության հետ ներդրումային համաձայնագրի պատճառով, որը նախատեսում է Աբխազիայում բնակարանների կառուցում։ Ընդդիմության կողմնակիցները կարծում են, որ դրա իրականացումը կհանգեցնի բնակարանների գների բարձրացման, ինչպես նաև հանրապետության փոքր և միջին բիզնեսի համար ռիսկերի։ Խորհրդարանը պետք է վավերացներ փաստաթուղթը ուրբաթ օրը, սակայն բողոքի ցույցերի բռնկման պատճառով այն հետաձգեց։ Ընդդիմության կողմնակիցները գրավել են Սուխումի կառավարական շենքերի համալիրը, այդ թվում՝ նախագահի վարչակազմը, և պահանջել են նախագահի հրաժարականը։ Պետության ղեկավար Ասլան Բժանիան համաձայնել է հրաժարական տալ, եթե ընդդիմությունը լքի գրավված շենքերը:
