Հայտնիների ամենաաղմկոտ ամուսնալուծությունները

Ջոնի Դեփ եւ Էմբեր Հերդ

Թվում է, թե ամբողջ աշխարհը հետեւում էր Ջոնի Դեփի եւ Էմբեր Հերդի դատավարությանը։ Սկանդալային պատմությունը սկսվել է 2016 թվականին, երբ դերասանուհին ամուսնալուծության հայց է ներկայացրել։ Այնուհետեւ Էմբերը մեղադրել է ամուսնուն բռնության մեջ եւ հայտարարել, որ նա ծաղրել է իրեն ապօրինի նյութերի ազդեցության տակ։ Դեփն իր հերթին հերքել է բոլոր մեղադրանքները, իսկ հետո հավաքել է տպավորիչ աջակցող խումբ եւ շահել դատավարությունը։ Ջոնին կարողացավ վերականգնել իր հեղինակությունը, եւ Հերդն այժմ ստիպված է նախկին ամուսնուն 7 միլիոն դոլար փոխհատուցում վճարել։

Անջելինա Ջոլի եւ Բրեդ Փիթ

Ամուսնալուծությունը, որին երկրպագուները երկար ժամանակ չէին կարողանում հավատալ, տեղի է ունեցել 2019թ.-ին։ Չնայած դրան, Անջելինա Ջոլիի եւ Բրեդ Փիթի հարաբերությունների մանրամասները դեռեւս չափազանցված են համացանցում։ Ժամանակին աստղային զույգը համարվում էր հոլիվուդյան գրեթե ամենաօրինակելի զույգը. նրանք մեծացրել են վեց երեխա, որոնցից երեքը որդեգրված են եւ ծրագրում էին համատեղ ապագա։ Բայց ինչ-որ պահի իդեալական ընտանիքի կերպարը սկսեց քանդվել, եւ ոչ վաղ անցյալում Ջոլին նույնիսկ մեղադրեց Փիթին ընտանեկան բռնության մեջ:

Բիլ եւ Մելինդա Գեյթս

Մոլորակի ամենահարուստ մարդկանցից մեկը 27 տարվա ամուսնությունից հետո բաժանվել է կնոջից՝ Մելինդայից։ Ամուսնալուծությունը հարվածել է Բիլ Գեյթսի գրպանին. գործարարը կնոջն արժեթղթեր է տվել, որոնց մոտավոր արժեքը կազմում է ավելի քան 5,5 միլիարդ դոլար: Ըստ The Wall Street Journal-ի լրագրողների՝ նրանց ամուսնությունն ավարտվել է, երբ Մելինդան իմացել է ամուսնու եւ նրա ֆինանսիստի հարաբերությունների մասին:

Աղբյուրը՝ GraziaMagazine

 NEWS.am STYLE