Ռուսների մուտքը ԵՄ արգելելու գաղափարը դժվար թե աջակցություն գտնի Եվրոպայում. Լեհաստան
Բալթյան երկրների դիրքորոշումը, որոնք ցանկանում են կասեցնել վիզաների տրամադրումը ռուսներին, դժվար թե հետեւորդներ գտնի ամբողջ Եվրոպայում։ Այս մասին հայտարարել է Լեհաստանի փոխարտգործնախարար Պյոտր Վավրշիկը` նշելով, որ Վարշավան կողմ է այդ սահմանափակումների ներդրմանը։
«Սա Պուտինի պատերազմը չէ, քանի որ Պուտինը չի պատերազմում, պատերազմում են ռուսները, բայց եթե նրանց ընտանիքները չեն հասկանում դա, եթե նրանց մտերիմները չեն կարողանում հասկանալ, թե ինչ է կատարվում Ուկրաինայում, ապա կարծում եմ, որ նրանք նույնպես պետք է հետեւանքների բախվեն։ Եթե Պուտինը չունենար հասարակության աջակցությունը, ապա նա, անշուշտ, չէր վարի այս պատերազմը։ Նա շատ զգայուն է նր նկատմամբ, թե ինչպես են ռուսներն գնահատում իր քաղաքականությունը»,- կարծում է նա, փոխանցում է Polskoye Radio-ն։
Գերմանացիներն արդեն հայտարարում են, որ ռուսներին վիզաների տրամադրումը կասեցնելու որոշում չեն ընդունի։ Վավրժիկը նշել է, որ Գերմանիայի համար «բարոյականության հարցն այնքան կարեւոր չէ, որքան Ռուսաստանի հետ բիզնես վարելու հնարավորությունը»։