Թրամփը դիտարկում է Թուրքիայի դեմ պատժամիջոցները չեղարկելու հարցը

ԱՄՆ նախագահ Դոնալդ Թրամփը քննարկում է Թուրքիայի դեմ պատժամիջոցները չեղարկելու և F-16 կործանիչների վաճառքը վերսկսելու հարցը Թուրքիայի նախագահ Ռեջեփ Թայիփ Էրդողանի հետ բանակցություններից հետո։ Այս մասին հայտնել է «Fox News Digital» հեռուստաալիքը՝ վկայակոչելով երկու աղբյուր։

Թրամփը պատրաստակամություն է հայտնել օգնել ավարտին հասցնել F-16 գործարքը և չի բացառել Անկարային F-35 կործանիչներ վաճառելը, եթե կողմերը համաձայնեն չեզոքացնել Թուրքիային սպասարկող ռուսական S-400 զենիթահրթիռային համակարգերը։ «Դա կարող է ներառել [S-400] սարքավորումների մասնակի ապամոնտաժումը կամ ԱՄՆ-ի կողմից վերահսկվող բազա տեղափոխելը»,- ասել են հեռուստաալիքի աղբյուրները։

Վաշինգտոնը պատժամիջոցներ է սահմանել Թուրքիայի դեմ այն ​​բանից հետո, երբ վերջինս գնել է ռուսական С-400-ներ, ինչը անհանգստություն է առաջացրել ԱՄՆ-ի և ՆԱՏՕ-ի նրա դաշնակիցների շրջանում: F-35-ի վաճառքը սառեցվել է, իսկ Թուրքիան դուրս է մնացել ինքնաթիռի արտադրության ծրագրից։

Անկարան բազմիցս հայտարարել է, որ չի պատրաստվում հրաժարվել ռուսական С-400-ների օգտագործումից։