Բժիշկները նշել են, թե որ մթերքներն են օգնում կարճ ժամանակահատվածում վերականգնել լյարդը

Լյարդը օրգանիզմի համար բնական զտիչ է, հետևաբար պաշտպանում է այն տոքսիններից և այլ վնասակար նյութերից։ Վատ սովորությունները, հիվանդությունները,սթրեսը և վատ սննդակարգը կարող են հանգեցնել լյարդի խնդիրների: Այո՛, այս ներքին օրգանն ունակ է ինքնաբուժման, բայց դա չի նշանակում, որ դրա առողջ ու ճիշտ աշխատանքի համար խնամքի կարիք չկա։ Բժիշկները նշել են, թե որ մթերքներն են օգնում կարճ ժամանակահատվածում վերականգնել լյարդը։

Դդումը պարունակում է հանքանյութերի մի մեծ խումբ, հակաօքսիդանտներ և վիտամիններ՝ C, B1, B2, B5, B6, E, PP։ Օգտակար միացությունների նման հզոր պարունակության շնորհիվ դդմի շիլան հիանալի մաքրում է լյարդը և վերականգնում նրա գործունեությունը։ Դդումը հարուստ է նաև երկաթով, ֆոսֆորով, կալցիումով, կալիումով, մագնեզիումով, պղնձով, սպիտակուցներով, ճարպերով և ածխաջրերով, հետևաբար այն կանխում է լյարդի ճարպակալումը և օգնում օրգանիզմից հեռացնել տոքսինները։ Դդմի շիլան կարող է արագացնել նյութափոխանակությունը և նպաստել քաշի անվտանգ կորստի:

Վարսակը պարունակում է բազմաթիվ հակաօքսիդանտ միացություններ, բուսական մանրաթելեր և հանքանյութեր, որոնք օգնում են արագ մաքրել և վերականգնել լյարդը: Ընդհանուր առմամբ, վարսակը էներգիայի հզոր աղբյուր է, քանի որ այն պարունակում է 59 տեսակի պարզ ածխաջրեր։ Վարսակը օգտակար է նաև ուղեղի աշխատանքի ակտիվացման, նյարդային համակարգի ամրապնդման, ոսկորների, եղունգների, մազերի ամրության և մաշկի առաձգականության համար:
Հնդկաձավարը պարունակում է ցինկ, կալիում, մագնեզիում, երկաթ և մի շարք հակաօքսիդանտներ, որոնք օգնում են վերականգնել լյարդը: Ըստ բժիշկների՝ այն օգտակար է ոչ միայն լյարդը մաքրելու համար, այլև կարող է պաշտպանել ամբողջ օրգանիզմը բազմաթիվ հիվանդություններից։ Ամենաառողջ ուտեստների վարկանիշը գլխավորում է հնդկաձավարի շիլան։ Այն հեշտ է պատրաստվում, չի պարունակում ալերգեններ, հեշտ է մարսվում։

Լյարդի վրա դրական է ազդում նաև բանջարեղենը՝ ճակնդեղը, գազարը, կաղամբը, լոլիկն ու վարունգը։ Անհրաժեշտ է նաև ուտել ավոկադո, խնձոր, խաղող, սալոր, ցիտրուսային մրգեր և կանաչիներ՝ սպանախ և մաղադանոս: Ցածր յուղայնությամբ ձկների տեսակները կարող են բարելավել լեղու արտահոսքը: Հատապտուղները՝ չիչխանը, հաղարջը, հապալասը և կեռասը իրենց հակաօքսիդանտ պարունակության շնորհիվ նույնպես լավ են ազդում լյարդի աշխատանքի վրա։