ՆԱՏՕ-ի երկրները խնդրել են ԱՄՆ-ին զգուշացնել Եվրոպայից զորքերը դուրս բերելու դեպքում

ՆԱՏՕ-ի եվրոպական երկրները խնդրել են ԱՄՆ-ին զգուշացնել իրենց, եթե Եվրոպայում ամերիկյան ռազմական ներկայության կտրուկ կրճատում լինի, որպեսզի «չապակայունացնեն դաշինքի պաշտպանությունը»։ Այս մասին հայտնել է Bloomberg գործակալությունը՝ հղում անելով եվրոպական մայրաքաղաքների աղբյուրների։

Դրանց համաձայն՝ Եվրամիության երկրներն սպասում են, որ ԱՄՆ-ը դուրս կբերի Եվրոպայում ներկայումս տեղակայված 80 հազար զինվորականներից առնվազն 10 հազարը, այդ թվում՝ ՆԱՏՕ-ի արևելյան թևում։

Եվրոպայում ամերիկյան ուժերի թիվը մշտապես փոփոխվում է։ Այսպիսով, մինչև 2022 թվականը այնտեղ եղել է մոտ 65 հազար ամերիկացի զինծառայող; Ուկրաինայում հակամարտության սկսվելուց հետո թիվը սկզբում հասել է 85 հազարի, իսկ հետո կարճ ժամանակում՝ 100 հազարի։

Սպիտակ տան ղեկավարը կարող է Եվրոպայից դուրս բերել ավելի քան 20 հազար զինվորականների, որոնք Ջո Բայդենի վարչակազմի որոշմամբ տեղափոխվել էին այնտեղ Ուկրաինայում ռազմական հակամարտության մեկնարկից հետո։

Աղբյուրները նշել են, որ «Թրամփի վարչակազմի կողմից ստեղծված քաոսը խաթարել է հաղորդակցության ուղիները» ԱՄՆ վարչակազմի և ՆԱՏՕ-ի դաշնակիցների միջև, որոնք սովորաբար օգտագործվում են ռազմական հարցերում քաղաքական համակարգման համար։