Գեղեցիկ մաշկ, առողջ սիրտ․ ևս մի քանի պատճառ հատապտուղներ ուտելու համար
Ինչո՞ւ պետք է հատապտուղները ներառել սննդակարգում, և որքանո՞վ են դրանք օգտակար օրգանիզմի համար։
Պայքար ազատ ռադիկալների դեմ
Ազատ ռադիկալները անկայուն մոլեկուլներ են, որոնք օգտակար են փոքր քանակությամբ, բայց եթե դրանց քանակը մեծ է, տեղի են ունենում անհարկի օքսիդատիվ պրոցեսներ, որոնք վնասակար են առողջությանը: Հատապտուղները պարունակում են նյութեր, որոնք պայքարում են օրգանիզմում ազատ ռադիկալների դեմ։
Կարգավորում են արյան շաքարի և ինսուլինի մակարդակը
Ուսումնասիրությունները ցույց են տվել, որ հատապտուղների չափավոր օգտագործումը բարելավում է ինսուլինի նկատմամբ զգայունությունը և նվազեցնում արյան շաքարի արձագանքը ածխաջրեր պարունակող մթերքներին: Սա արտահայտվում է ինչպես բացարձակ առողջ մարդկանց, այնպես էլ ինսուլինի դիմադրողականությամբ հիվանդների մոտ։
Օգնում է բարելավել մարսողությունն ու նիհարել
Հատապտուղները մանրաթելի լավ աղբյուր են, ներառյալ լուծվող մանրաթելերը: Այն դանդաղեցնում է սննդի շարժումը մարսողական համակարգի միջոցով, ինչը նվազեցնում է քաղցը, օգնում է ավելի քիչ ուտել և օգնել նիհարել:
Ապահովել սննդանյութերի մակարդակը
Հատապտուղները ցածր կալորիականությամբ ու հագեցնող արտադրանք են: Դրանք պարունակում են օգտակար վիտամիններ և հանքանյութեր։ Օրինակ՝ մեկ բաժակ ելակը պարունակում է վիտամին C-ի օրական արժեքի մոտ 150%-ը, մոշը՝ 35%-ը։ Հատապտուղների մեծ մասը նման է սննդային բաղադրությամբ:
Օգնում են պայքարել բորբոքման դեմ
Ունեն վերականգնող հատկություն ու պաշտպանում են օրգանիզմը վարակներից։ Բորբոքային պրոցեսները կարող են լինել հաճախակի սթրեսի, ակտիվության պակասի և անառողջ ապրելակերպի հետևանք։ Միաժամանակ, քրոնիկական բորբոքումները շաքարային դիաբետի և սրտանոթային հիվանդությունների պատճառներից են։
Նվազեցնում է վատ խոլեստերինի մակարդակը
Մարդիկ, ովքեր ութ շաբաթվա ընթացքում ամեն օր ելակի սմուզի էին խմում, տեսան, որ իրենց արյան մեջ «վատ» խոլեստերինի մակարդակն իջել է միջինը 11%-ով։ Սև ազնվամորին ու ելակը խոլեստերինի մակարդակն իջեցնելու ռեկորդ են պատկանում գիրություն ու նյութափոխանակության համախտանիշով տառապող մարդկանց մոտ: Հատապտուղները նաև կանխում են արյան անոթներում թրոմբների և թիթեղների առաջացումը։
Գեղեցիկ է դարձնում մաշկը
Հակաօքսիդանտների շնորհիվ հատապտուղները կանխում են կնճիռների առաջացումը, քանի որ ազատ ռադիկալների ավելցուկը մաշկի ծերացման հիմնական պատճառներից մեկն է։ Հետազոտությունները ցույց են տվել, որ էլագիկ թթուն արգելափակում է կոլագենը քայքայող ֆերմենտների արտադրությունը:
Օգնում է կանխել քաղցկեղը
Հատապտուղների որոշ հակաօքսիդանտներ, ներառյալ անտոցիանինները և ռեսվերատրոլը, կարող են նվազեցնել քաղցկեղի առաջացման վտանգը: Գիտնականներն ուսումնասիրել են դրանց ազդեցությունն օրգանիզմի վրա և ենթադրել, որ հատապտուղների օգտագործումը պաշտպանում է կերակրափողի, կաթնագեղձերի և հաստ աղիքի քաղցկեղից։
Լավ է սրտանոթային համակարգի համար
Բացի խոլեստերինը իջեցնելուց, հատապտուղները բարելավում են զարկերակների առողջությունը: Բջիջները, որոնք ծածկում են արյան անոթները, կոչվում են էնդոթելային բջիջներ: Դրանք օգնում են վերահսկել արյան ճնշումն ու կանխել արյան մակարդումը:
