Օրվա մեջ երկրորդ անգամ․ ուժգին երկրաշարժ՝ Իրանում

5,5 մագնիտուդով ևս մեկ երկրաշարժ է տեղի ունեցել Իրանի հարավում՝ Բանդար Աբբաս նավահանգստային քաղաքից 54 կմ հեռավորության վրա: Տարերային աղետի մասին հայտնում է Եվրոպական-միջերկրածովյան սեյսմոլոգիական կենտրոնը (EMSC):

Երեքշաբթի առավոտյան սեյսմոլոգները հայտնել են, որ 5,5 մագնիտուդ ուժգնությամբ երկրաշարժ է տեղի ունեցել Իրանի հարավում՝ Հորմոզգան նահանգում։

Նոր երկրաշարժ է գրանցվել 20.26-ին: Երկրաշարժի էպիկենտրոնը գտնվել է Բանդար Աբբաս քաղաքից 54 կիլոմետր հյուսիս-արևմուտք։ Օջախը եղել է յոթ կիլոմետր խորության վրա:

Հնարավոր զոհերի և ավերածությունների մասին տեղեկություններ դեռևս չեն ստացվել։