Ղազախստանի նախագահ Կասիմ-Ժոմարտ Տոկաևը կայցելի Հայաստան․ ի՞նչ է հայտնի
Պաշտոնական այցով Հայաստան կժամանի Ղազախստանի նախագահ Կասիմ-Ժոմարտ Տոկաևը, հաղորդել է երկրի ղեկավարի մամուլի ծառայությունը։
«Նախագահ Կասիմ-Ժոմարտ Տոկաևն ապրիլի 15-ին մեկօրյա պաշտոնական այցով կմեկնի Հայաստանի Հանրապետություն և բանակցություններ կվարի վարչապետ Նիկոլ Փաշինյանի և նախագահ Վահագն Խաչատուրյանի հետ»,- ասվում է հաղորդագրությունում։
Այցի ավարտից հետո պետության ղեկավարը Երեւանից թռչելու է Ղազախստանի հեղեղումներից տուժած շրջաններից մեկը։
