Երկարակեցության բանաձև՝ օրական երեք բանջարեղեն գումարած երկու միրգ
Առողջապահության ամերիկյան ասոցիացիայի կողմից հրապարակված գիտական հետազոտությունը, որն իրականացվել է Հարվարդի հանրային առողջության դպրոցի հետազոտողների կողմից, հաստատել է, որ օրական երկու միրգ և երեք բանջարեղեն ուտելը երկարակեցության համընդհանուր և պարզ առաջարկություն է:
Ուսումնասիրությունը, որը հրապարակվել է 2021 թվականի մարտի 1-ին, Circulation ամսագրում, հավաքել է սննդակարգի և մահացության վերաբերյալ տվյալներ ավելի քան երկու միլիոն մարդկանցից, որոնց հետևել են բժիշկներն ու գիտնականները 30 տարի շարունակ:
Մարդիկ, ովքեր օրական ուտում էին երկու չափաբաժին միրգ և երեք չափաբաժին բանջարեղեն, սրտանոթային հիվանդություններից մահանալու ռիսկը 12%-ով ավելի քիչ էր՝ համեմատած այն մարդկանց հետ, ովքեր օրական ուտում էին ընդամենը երկու բաժին միրգ կամ բանջարեղեն: Մրգերն ու բանջարեղենը կալիումի լավ աղբյուր են, որի բարձր ընդունումը կապված է արյան ճնշման իջեցման հետ: Նրանք նաև հարուստ են մանրաթելերով և միացություններով, որոնք կոչվում են պոլիֆենոլներ, որոնք կարող են կանխել վտանգավոր սալերի և արյան մակարդուկների առաջացումը:
Հիշեք, որ բանջարեղենը, ինչպիսիք են կարտոֆիլը, ոլոռը և եգիպտացորենը, ձեզ ոչ մի օգուտ չեն տա, ինչպես նաև խանութից գնված մրգային հյութերը, քանի որ դրանք շատ շաքարավազ են պարունակում: Ամենաառողջ ընտրությունը տերևավոր կանաչիներն են, գազարը, հատապտուղները և ցիտրուսային մրգերը:
