ՀԱՊԿ հակաօդային պաշտպանության համակարգը փաստացի ստեղծվել է. Շոյգու
Փաստացի ստեղծվել է ՀԱՊԿ երկրների հակաօդային պաշտպանության միասնական համակարգը, Ռուսաստանը երկկողմ պայմանագրեր ունի կազմակերպության յուրաքանչյուր պետության հետ, անհրաժեշտության դեպքում համակարգը կփաստաթղթավորվի. ասել է ՌԴ ՊՆ ղեկավար Սերգեյ Շոյգուն։
«Իրականում այն (ՀԱՊԿ հակաօդային պաշտպանության համակարգը) ստեղծվել է, ստեղծվել է երկկողմ մակարդակով, մենք ունենք պայմանավորվածություն յուրաքանչյուր պետության հետ, Հայաստանի, Ղազախստանի, Ղրղզստանի, Տաջիկստանի և, բնականաբար, Բելառուսի հետ», - ասել է Շոյգուն լրագրող Պավել Զարուբինին տված հարցազրույցում:
Նախարարի խոսքով՝ համակարգը «սարքավորված է և աշխատում է», և պարբերաբար վարժանքներ են անցկացվում՝ այն մարտական վիճակում պահելու համար։
Ներկայումս Հավաքական անվտանգության պայմանագրի կազմակերպությունը (ՀԱՊԿ) ներառում է վեց պետություն՝ Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկստանը։
