Վրաերթ Աբովյանում. բժիշկներն աշխատում են փրկել վրաերթի ենթարկված կնոջ կյանքը
Աբովյան քաղաքի Հանրապետության եւ Երեւանյան փողոցների խաչմերուկում Կոտայքի մարզի բնակիչ, 28-ամյա Հարություն Աղալարյանը իր վարած BMW մակնիշի ավտոմեքենայով վրաերթի է ենթարկել 45-50 տարեկան կին հետիոտնի, որը տեղափոխվել է հիվանդանոց: Տեղեկությունը հայտնում է shamshyan.com–ը։
Դեպքի մասին ահազանգը ստացվել է «Աբովյան» բժշկական կենտրոնից ժամը 18։50-ի սահմաններում։
«Վարորդը փախուստի չի դիմել, նաեւ օգնել է բժիշկներին վրաերթի ենթարկվածին տեղափոխել հիվանդանոց: Այս պահին բժիշկները պայքարում են վրաերթի ենթարկվածի կյանքի համար: Վարորդը սթափ է եղել»,– նշվում է կայքում:
Ոստիկանությունն ու քննչական բաժինը պարզում են վրաերթի ենթարկվածի ինքնությունը:
