Ֆինլանդիայի և Գերմանիայի միջև կապի մալուխը խափանվել է

Ֆինլանդիայի և Գերմանիայի միջև ստորջրյա հեռահաղորդակցության մալուխը խափանվել է, հայտնել է ֆիննական Cinia Oy օպերատորը:

«Խզվածքը հայտնաբերվել է 2024 թվականի նոյեմբերի 18-ին Cinia C-Lion1 սուզանավային մալուխում», - ասվում է հաղորդագրության մեջ:

Խափանման պատճառով մալուխային ծառայություններ չեն իրականացվում։ Ընկերությունում ավելացրել են, որ անսարքության պատճառները հետաքննվում են։

C-Lion1-ը առաջին մալուխն է, որն ուղղակիորեն անցկացվում է Ֆինլանդիայի և Գերմանիայի միջև Բալթիկ ծովի տակ: Նախկին կապի ուղիներն անցնում էին Շվեդիայով և Դանիայով։

Մալուխի անցկացումը սկսվել է 2015 թվականի հոկտեմբերին և ավարտվել 2016 թվականի հունվարին։ Այն ունի մոտ 1,2 կիլոմետր երկարություն և անցնում է Հելսինկիի և Ռոստոկի միջև։ Սա միակ ֆիննական սուզանավային մալուխն է, որն ուղղակիորեն գնում է Կենտրոնական Եվրոպա: