ՄԻՊ արագ արձագանքման խմբերը մեկնել են Վանաձոր՝ տեղում իրականացվելիք հավաքների մշտադիտարկման համար

Մարդու իրավունքների պաշտպանի աշխատակազմի արագ արձագանքման խմբերը մեկնել են Վանաձոր տեղում իրականացվելիք հավաքների մշտադիտարկման և ըստ անհրաժեշտության արձագանքման համար:

Հիշեցնենք՝ մեկնարկել է «Դիմադրություն» շարժման ավտոերթը դեպի Վանաձոր։
Ընդդիմադիրներն այսօր Լոռվա մարզկենտրոնում ժամը 13:00-ին հանրահավաք են հրավիրել։

ԱԺ փոխնախագահ Իշխան Սաղաթելյանը հայտնել է, որ ծանր, բայց շատ կարևոր օր է լինելու։

«Գործ ունենք, պետք է անենք։ Մենք մոտ ենք հաղթանակին։ Միացեք ու ակտիվ եղեք։ Ոգով, Աստծով, մինչև վերջ», - նշել է նա։

Շարժման գլխավոր հանրահավաքն այսօր կսկսի 20:00-ին՝ Ֆրանսիայի հրապարակում։