Խորովածը կարո՞ղ է քաղցկեղ առաջացնել

Տապակելիս մսի մեջ առաջանում են քաղցկեղ առաջացնող նյութեր, ուստի պետք է չչափազանցել խորոված ուտելը, հատկապես կարմիր միսը (խոզի միս, ոչխար): Այս մասին NEWS.ru-ի հետ զրույցում ասել է ուռուցքաբան, բժշկական գիտությունների թեկնածու, Ռուսաստանի բժշկական գիտությունների ակադեմիայի կլինիկական ուռուցքաբանության ինստիտուտի ավագ գիտաշխատող Եվգենի Չերեմուշկինը։ 

Կարմիր մսի հաճախակի օգտագործումը մեծացնում է քաղցկեղի առաջացման վտանգը։ Հատկապես վնասակար է տապակած միսը, քանի որ եփման ընթացքում առաջանում են քաղցկեղ առաջացնող նյութեր, ինչպիսիք են բենզոպիրենը։

Բացի այդ, խոզի և գառի միսը դժվարամարս է, ուստի կարող է առաջացնել աղեստամոքսային տրակտի որոշ հիվանդությունների սրացում։ Թռչնի կամ ձկան միսը, ընդհակառակը, շատ ավելի հեշտ է մարսվում։ Լավ է տապակած միսը համալրել բանջարեղենով և բջջանյութով հարուստ այլ մթերքներով, եզրափակել է բժիշկը։