Զատուլինը պատասխանել է ռուս գործիչների մուտքն արգելելու մասին Փաշինյանի խոսքերին

Պետդումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահի առաջին տեղակալ Կոնստանտին Զատուլինը մեկնաբանել է ՀՀ վարչապետ Նիկոլ Փաշինյանի հայտարարությունը՝ ռուս քաղաքական և հասարակական գործիչների մուտքն  Հայաստան արգելելու մասին: Զատուլինը վարչապետի խոսքերը որակել է սուտ և նշել, որ ինքն անգամ հայ չէ։

«Պարզվում է, որ «նրանք», այսինքն՝ մենք, չէին կարողանա նույնիսկ «առանց վիզայի մուտք գործել իրենց հայրենիքի տարածք», եթե հայրենիքի (Ռուսաստանի) նկատմամբ կատարեինք «այն, ինչ արել ենք Հայաստանի նկատմամբ գոնե 1% – ով»։ Եվ ինչ արեցին «նրանք«, այսինքն՝ մենք»,- հարցադրում է արել Զատուլինը։

Պատգամավորը հիշեցրել է, որ ինքը հայ չէ և Հայաստանի քաղաքացի չէ և «երբեք չի եղել»: «Բայց իմ հասարակական, քաղաքական և պատգամավորական գործունեության երեսուն և ավելի տարիների ընթացքում ես հանդես եմ եկել պատմական հիշողությանը հավատարմության, ռուս և հայ ժողովուրդների միջև բարեկամության, Հայաստանի կողմից չճանաչված Լեռնային Ղարաբաղի Հանրապետության աջակցության օգտին»,-ընդգծել է նա: Զատուլինը որպես օրինակ նշել է, որ 1995 թվականին նա դարձել է Ռուսաստանի կողմից Օսմանյան կայսրությունում Հայոց ցեղասպանությունը ճանաչող բանաձևի հեղինակը։

«Կամ 2018 թվականին ստեղծել է ռուս-հայկական «Լազարյան ակումբ» և 2021 թվականին կազմակերպել Լեռնային Ղարաբաղի բնակչության պատվաստումը կորոնավիրուսի դեմ», – հավելել է նա։ Չնայած Հայաստանում բազմաթիվ բարեկամներին, Զատուլինի խոսքով, Հայաստանի վարչապետը վստահ է, որ «ոչ նրանց հետ է ընկերություն անում»:

«Այն ամենը ինչ ասվում է իմ հասցեին ինչ-որ զառանցանքի է նման, թե «ոմանք» Հայաստանի կառավարությունից պահանջում են կատարել միջանցք տրամադրելու խոստումները։ Ի դեպ, արդեն անցյալ տարի արգելքից հետո վարչապետն ինձ մոտ ուղարկեց ՀՀ ներկայիս դեսպանին՝ նրանց հետ, ում հետ դա անհրաժեշտ է, «ընկերություն պարտադրելու» ակնկալիքով։ Խե՜ղճ դեսպան », – ընդգծել է խորհրդարանականը։

«Ինձ Նիկոլ Փաշինյանի չսիրելու իրական պատճառը նույնն է, ինչ մյուսներին։ Նիկոլը կարծում է, թե «Հայաստանը ինքն է»։ Դե, Լյուդովիկոս XIV-ը գոնե ինչ-որ հիմք ուներ։ Ինչպիսին է Փաշինյանը։ Նա, ինչպես հայտնի է, հռչակում էր՝ «Լեռնային Ղարաբաղը Հայաստան է։ Եվ վերջ: Եվ ինչ ստացվեց»- եզրափակել է Զատուլինը։