Զիդանը՝ Բրազիլիայի հավաքականի գլխավոր մարզիչի հիմնական թեկնածու

Բրազիլիայի ֆուտբոլային կոնֆեդերացիայի ղեկավարությունը ցանկանում է ազգային թիմի ղեկին տեսնել Զիդանին։ Թեկնածուներից են նաեւ արգենտինացի Մաուրիսիո Պոչետինոն, պորտուգալացի Ժոզե Մոուրինյոն, գերմանացի Թոմաս Տուխելը եւ իսպանացիներ Ռաֆայել Բենիտեսն ու Լուիս Էնրիկեն, հաղորդում է ֆրանսիական L'Equipe-ը։ Պաշտոնը թափուր է բրազիլացի Տիտեի հրաժարականից հետո։
50-ամյա Զիդանը առանց մարզչական աշխատանքի է 2021-ին «Ռեալից» հեռանալուց հետո։ Սպասվում էր, որ աշխարհի առաջնությունից հետո նա Ֆրանսիայի հավաքականի գլխավոր մարզիչի պաշտոնում կփոխարինի Դիդիե Դեշամին, որի պայմանագիրը նախատեսված է մինչեւ դեկտեմբերի 31-ը։