Խաղաղության պայմանագրի ճարտարապետությունն ու սկզբունքները համաձայնեցված են․ Փաշինյան
Այն հայտարարությունները, որ Ադրբեջանի նախագահն արեց 2024 թ. հունվարի սկզբին, ես գնահատել եմ որպես հարված խաղաղության գործընթացին. հայտարարել է Նիկոլ Փաշինյանը բրիտանական The Telegraph-ին տված հարցազրույցում։
«Բայց այդ հարվածը ինքը ուղղակի առանձին վերցրած գործընթաց չէ և դա սկսվել է առաջինը Լեռնային Ղարաբաղի էթնիկ զտումներից, երկրորդը՝ Գրանադայի հանդիպման մերժումներից, ապա Բրյուսելի հանդիպման մերժումից և նաև հետագա հանդիպումների մերժումներից»,- ասել է Փաշինյանը:
Խաղաղության պայմանագիրի ձգձգման հետ կապված Փաշինյանն ասել է, որ Հայաստանի և Ադրբեջանի միջև այդ պայմանագրի ճարտարապետությունն ու սկզբունքները համաձայնեցված են.
«Նախորդ տարեվերջին մեզ թվում էր, թե մենք շատ մոտ ենք ի վերջո վերջնական պայմանագրի տեքստի համաձայնեցմանը»,- ասել է նա:
